स्विस बैंकहरूमा नेपालीहरूको नाममा रहेको भनिएको रकम फिर्ता ल्याउने विषय फेरि चर्चामा आएको छ। बीबीसी सँग कुराकानी गरेका जानकारहरूले यस्तो रकम भ्रष्टाचारबाट गएको हुन सक्ने आशंका व्यक्त गर्दै यसको नियन्त्रण र फिर्ता प्रक्रियामा जटिलता रहेको बताएका छन्।
यसैबीच गृहमन्त्री सुधन गुरुङ ले नेपालस्थित स्विट्जरल्यान्डकी राजदूत डेनियल म्युवली सँग यस विषयमा सहकार्य गर्न आग्रह गरेका छन्। अवैध रूपमा जम्मा भएको प्रमाणित भए त्यस्तो रकम नेपाल फिर्ता ल्याउने पहल गर्न उनले अनुरोध गरेका हुन्।
जानकारहरूका अनुसार २०४६ सालको जनआन्दोलनयता स्विस बैंकहरूमा नेपालीहरूको रकम रहेको चर्चा हुँदै आएको भए पनि ठोस अनुसन्धान र कारबाही भने हुन सकेको छैन। खोज पत्रकारिता केन्द्र, नेपाल ले सन् २०१९ मा प्रकाशित गरेको रिपोर्टपछि पनि यस विषयले व्यापक ध्यान तानेको थियो।
पूर्व सम्पादक शिव गाउँले ले यस्तो पहल लोकप्रिय भए पनि व्यवहारमा सहज नभएको बताएका छन्। यता पूर्वसचिव विमल वाग्ले ले भने सरकारको गम्भीरता र इच्छाशक्तिमा निर्भर गर्दै अन्तर्राष्ट्रिय सन्धिहरूको उपयोगमार्फत रकम फिर्ता ल्याउन सकिने धारणा राखेका छन्।
यस विषयमा ठोस कदम चालिएमा नेपालमा सुशासन र भ्रष्टाचार नियन्त्रणतर्फ महत्वपूर्ण प्रगति हुने अपेक्षा गरिएको छ।
प्रतिक्रिया