आइतबार नेपाली बजारमा सुनको भाउ फेरि उकालो लागेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला १ हजार ६०० रुपैयाँले वृद्धि भई २ लाख ५२ हजार २०० रुपैयाँमा कारोबार भइरहेको छ।
शुक्रबारसम्म प्रतितोला २ लाख ५० हजार ६०० रुपैयाँमा व्यापार भइरहेको सुन आज पुनः उच्च मूल्यमा पुगेको हो।
यसैगरी, चाँदीको मूल्य पनि उल्लेख्य रूपमा बढेको छ। आज चाँदी प्रतितोला १४५ रुपैयाँले बढेर ३ हजार ४९० रुपैयाँमा कारोबार भइरहेको महासंघले जनाएको छ। शुक्रबार चाँदीको मूल्य ३ हजार ३४५ रुपैयाँ थियो।
लगातारको मूल्य वृद्धिले बजारमा सुनचाँदी किनबेचमा चहलपहल बढेको देखिएको छ।
प्रतिक्रिया