नेपाल स्टक एक्सचेञ्ज (नेप्से) मा मंगलबार उल्लेख्य गिरावट आएको छ। मंगलबार नेप्से सूचक ४२.५८ अंकले घटेर २७२६.५१ विन्दुमा आएर बन्द भएको छ।
आजको कारोबारमा ३३३ कम्पनीका ३ करोड २ लाख ६२ हजार ७१० कित्ता शेयर किनबेच हुँदा कुल १४ अर्ब १६ करोड ७१ लाख ७९ हजार ४४२ रुपैयाँ बराबरको कारोबार भएको छ।
आज म्युचुअल फण्ड बाहेक सबै समूहका शेयर मूल्य घटेका छन्, जसले बजारमा समग्र नकारात्मक संकेत देखाएको छ।
कारोबारका क्रममा सप्तकोशी विकास बैंकको शेयर मूल्य सबैभन्दा धेरै ८.५६ प्रतिशतले बढेको छ भने दारमखोला हाइड्रोपावरको शेयर मूल्य ८.४१ प्रतिशतले वृद्धि भएको छ। यता, ओम मेघाश्रीको शेयर मूल्य सबैभन्दा बढी ६.९३ प्रतिशतले घटेको छ।
कारोबार रकमका आधारमा आज राढ़ी विद्युत कम्पनीको सर्वाधिक ५७ करोड ८५ लाख रुपैयाँको शेयर कारोबार भएको छ। त्यसपछि एसवाई प्यानलको ५७ करोड ६८ लाख र अन्खु खोला जलविद्युतको ५१ करोड रुपैयाँ बराबरको कारोबार भएको छ।
बजारमा आएको यस गिरावटलाई लगानीकर्ताहरूले नाफा सुरक्षित गर्ने प्रवृत्ति र समग्र बजारको कमजोर मनोविज्ञानसँग जोडेर हेरेका छन्।
प्रतिक्रिया