रास्वपाको समानुपातिक सिफारिसप्रति गोमा तामाङ ‘सरिन’को असन्तुष्टि

Rastriya Swatantra Party (रास्वपा) को समानुपातिक सांसद सिफारिसप्रति कोशी प्रदेशकी कार्यवाहक सभापति Goma Tamang Sarin ले असन्तुष्टि व्यक्त गरेकी छन्।

रास्वपाले आइतबार समानुपातिकतर्फ ५७ जनाको नाम सिफारिस गरेको थियो। तर सांसद छनोट गर्दा भूगोल र क्लस्टर नमिलाइएको भन्दै सरिनले सोमबार सामाजिक सञ्जालमार्फत असन्तुष्टि जनाएकी हुन्।

उनले कोशी प्रदेशको हकमा पहाडी भूगोल समेट्नुपर्ने सुझाव दिएको भए पनि त्यसलाई बेवास्ता गरिएको उल्लेख गरेकी छन्। ओखलढुङ्गाकी Shobha Karki, खोटाङकी स्थापित गायिका Satya Kala Rai र ताप्लेजुङकी Mira Labung जस्ता योग्य उम्मेदवारलाई सूचीमा नसमेटिएको भन्दै उनले प्रश्न उठाएकी छन्।

कोशी प्रदेशको भौगोलिकता र जातीय क्लस्टरलाई समेट्न नसक्दा भविष्यमा संगठनमा असर पर्न सक्ने उनको भनाइ छ। साथै समुदायका प्रभावशाली व्यक्तिहरू केन्द्रीय नेतृत्व नजिक भए पनि यस विषयमा ध्यानाकर्षण गराउन नसक्नु दु:खद् भएको उनले उल्लेख गरेकी छन्।

कार्यवाहक सभापति सरिन भने प्रतिनिधिसभा निर्वाचनमा Sunsari 1 बाट उम्मेदवार बनेकी थिइन्। सो निर्वाचनमा उनी Harka Sampang सँग पराजित भएकी थिइन्।

यसअघि रास्वपाका प्रदेश सभापति Rajesh Timsina माथि अनुशासनको कारबाही भएपछि सरिनले कोशी प्रदेशमा पार्टी नेतृत्व सम्हाल्दै आएकी छन्।