संयुक्त राज्य अमेरिकामा संघीय अध्यागमन एजेन्टहरूको घातक गोलीबारी, दमन र गैरन्यायिक हत्याविरुद्ध सुरु भएको नागरिक आन्दोलनले देशभर जनजीवन ठप्प पारेको छ । ‘काम नगर्ने, विद्यालय नजाने र किनमेल नगर्ने’ नारासहित सुरु भएको आन्दोलनले प्रमुख सहरहरू प्रभावित भएका छन् ।
मिनियापोलिसमा संघीय एजेन्टहरूद्वारा ३७ वर्षीया रेनी निकोल गुड र नर्स एलेक्स प्रेटीको हत्या भएपछि आन्दोलन चर्किएको हो । सार्वजनिक भएका फुटेज र प्रत्यक्षदर्शीका भनाइअनुसार निशस्त्र नागरिकमाथि अनावश्यक बल प्रयोग गरिएको देखिएको छ ।
प्रदर्शनकारीहरूले आईसीई र सीपीबी जस्ता अध्यागमन एजेन्सीलाई स्थानीय समुदायबाट हटाउन र दोषी एजेन्टमाथि कडा कारबाही गर्न माग गरिरहेका छन् । लस एन्जलस, डेन्भर र मिनियापोलिसमा व्यापारिक प्रतिष्ठान बन्द छन् र कर्मचारीहरूले सामूहिक काम बहिष्कार गरेका छन् ।
आन्दोलनलाई अभिनेता पेड्रो पास्कल र र्यापर म्याकलमोरलगायत चर्चित व्यक्तित्वले समर्थन जनाएका छन् । यसैबीच, बजेट समयमै पारित नभएमा संघीय सरकार नै बन्द हुने जोखिम पनि बढेको छ ।
प्रतिक्रिया