ट्रम्पको दाबी– ‘इरान युद्ध छिट्टै अन्त्य हुन्छ’

अमेरिकी राष्ट्रपति Donald Trump ले इरानसँग जारी तनाव तथा युद्ध छिट्टै समाप्त हुने बताएका छन्। जर्जियाको गभर्नर पदका लागि रिपब्लिकन उम्मेदवार बर्ट जोन्सको समर्थनमा आयोजित कार्यक्रममा उनले यस्तो दाबी गरेका हुन्।

ट्रम्पले आफू Strait of Hormuz र इरानको परमाणु कार्यक्रमसम्बन्धी सम्झौता गराउने प्रयासमा रहेको समेत बताएका छन्।

अमेरिकी सञ्चारमाध्यम CNN का अनुसार इरानले बिहीबार मध्यस्थकर्तामार्फत अमेरिकी प्रस्तावबारे आफ्नो आधिकारिक जवाफ दिने तयारी गरेको छ।

इरानको विदेश मन्त्रालयका प्रवक्ता Esmail Baghaei ले अमेरिकी प्रस्तावबारे पाकिस्तानी मध्यस्थकर्तासँग आफ्नो धारणा राखिने बताएका छन्।

सीएनएनले स्रोतलाई उद्धृत गर्दै अमेरिका र इरान दुवै देश युद्ध अन्त्यका लागि सम्झौतामार्फत अघि बढ्न इच्छुक देखिएको जनाएको छ। इरानले भने अमेरिकी प्रस्तावमाथि अहिले आन्तरिक छलफल भइरहेको जानकारी दिएको छ।