चलचित्र विकास बोर्डले सार्वजनिक गरेको मङ्सिर २० गतेसम्मको बक्स अफिस रिपोर्ट अनुसार फिल्म ‘परान’ले अहिलेसम्म करिब १७ करोड रुपैयाँ कमाई गरेको छ। फिल्मले कुल १६ करोड ९७ लाख ९३ हजार ३५४ रुपैयाँ ग्रस कमाएको छ भने ५ लाख ९८ हजार ३०९ टिकट बिक्री भएको छ।
त्यसै अवधिमा रिलिज भएको फिल्म **‘जेरी अन टप’**ले १२ करोड २६ लाख ६ हजार २४० रुपैयाँ कमाएको छ। यस फिल्मको कुल टिकट बिक्री ३ लाख ९० हजार ९०४ रहेको छ।
फिल्म ‘जारी-२’ले अहिलेसम्म ६ करोड २३ लाख ६९ हजार २०० रुपैयाँ कमाई गरेको छ भने २ लाख ७ हजार ७१४ टिकट बिक्री भएको छ।
साथै, ‘मन बिनाको धन’ले अहिलेसम्म ३ करोड ७९ लाख २ हजार ८७९ रुपैयाँ कमाई गरेको छ। यस अवधिमा १ लाख ४५ हजार ५९ टिकट बिक्री भएको छ।
हालसालै रिलिज भएको फिल्म ‘हर्ष’ले २८ लाख २ हजार ३४६ रुपैयाँ कमाई गरेको छ भने यस अवधिमा ८ हजार ४३६ टिकट बिक्री भएका छन्।
बक्स अफिसमा ‘परान’ले अग्रस्थान कायम गरेको देखिन्छ भने अन्य फिल्महरू क्रमशः दोस्रो, तेस्रो र चौथो स्थानमा रहेका छन्।
प्रतिक्रिया