१९ असोज, गोरखा । झरी रोकिएर आकाश खुलेपछि गोरखाको बारपाक सुलिकोट गाउँपालिका–५, रानागाउँको सौन्दर्य यतिबेला अझै थपिएको छ ।
तिहार नजिकिँदै गर्दा गाउँभरि मखमली फूलहरूको बैजनी र रातो रङ्गले करेसाबारी ढकमक्क पारेको छ। यही बेला, झरीले धोएर चम्किएको निलो आकाशमुनि मनास्लु मुस्कुराउँदै उभिएको छ।
रानागाउँको यो दृश्य कुनै चित्रकारको क्यानभासभन्दा कम छैन । स्फटिक जस्तै चम्किलो सेतो हिमाल, गहिरो नीलो आकाश र भुइँमा फुलेका बैजनी मखमली फूलको रङ्गीन कन्ट्रास्टले दृश्यलाई असाध्यै जीवन्त र आकर्षक बनाएको छ।
प्राकृतिक सुन्दरताको यस्तो दुर्लभ संयोगले रानागाउँलाई प्राकृतिक पोस्टकार्डको रूप दिएको छ।
तस्वीरमा हेर्नुहोस् चन्द्रबहादुर आलेको लेन्सबाट कैद भएका केही तस्वीरहरूः
प्रतिक्रिया